XXI CONCURSO EUROESCOLA

XXI Concurso Euroscola

A Oficina de Información do Parlamento Europeo en España, en colaboración coa Representación en España da Comisión Europea e a Secretaría de Estado para a Unión Europea, convoca a XXI edición do Concurso Euroscola dedicado ao Ano Europeo do desenvolvemento 2015. "Unha vida digna para todos: Rematar coa pobreza e dar ao mundo un futuro sostible" é unha das principais mensaxes para transmitir durante este ano á sociedade europea. O concurso ten como obxectivos: Fomentar o uso de Internet e das novas tecnoloxías como ferramentas educativas. Achegar a UE aos mozos, mellorando os seus coñecementos e implicación na construción de Europa. Fomentar a aprendizaxe de linguas europeas, fundamental para conseguir unha Europa unida. Por iso, o concurso desenvólvese tamén en inglés. O feito de dominar outras linguas europeas por parte dos alumnos participantes é importante e necesario, dado que os equipos gañadores que asistan ao Programa Euroscola en Estrasburgo deberán comunicarse cos participantes doutras nacionalidades europeas en inglés ou francés. Para participar é necesario inscribirse por equipos, formados por 10 alumnos de entre 15 e 18 anos e un profesor responsable que será o líder e representante do equipo ante a organización de Euroscola. Se ben, internamente no centro escolar, pode ser un traballo colaborador coordinado por máis dun profesor. A competición comezará o 19 de xaneiro e finalizará o 14 de abril e desenvolverase en dúas fases: fase inicial e fase final. A inscrición poderase realizar na páxina web do concurso ata o 2 de marzo de 2015. Requisitos: Poden participar todos os centros escolares de Ensino Secundario Obrigatorio (ESO), Bacharelato ou Ciclos de Formación Profesional de Grao Medio establecidos no territorio nacional. Dotación: Os gañadores obterán como premio a participación no Programa Euroscola del Parlamento Europeo na súa sede de Estrasburgo e unha axuda económica para sufragar parte dos gastos da viaxe. Esta axuda establecerase segundo a distancia entre a cidade onde estea localizado o centro e a cidade de Estrasburgo.