Viaxe a ningunha parte

Os alumnos de 2º de Bch A e B acudiron o mércores 26 de setembro ao Auditorio Municipal de Ourense para veren en acción á Compañía teatral ourensá.

A posta en escena versaba sobre a adaptación libre da súa directora Ánxeles Cuña do texto "Viaje a ninguna parte" do escritor e actor español Fernando Fernán Gómez e sobre o cal se fixo unha película homónima.

A obra ilustra a vida chea de dificultades e retos dunha compañía de comediantes en plena dictadura franquista e os avatares da súa existencia en competividade directa co mundo do emerxente cine.

A obra matinal contou coa sorpresa de que era gratuíta para os estudantes froito dun acordo da compañía coa concellería de educación e cultura.

Todos tiveron un comportamento formidábel de atención e respecto e viaxaron a algures, ao lugar onde se fomentan os soños, o teatro.

A Forza Gue